Sprooche un Dialekte sinn Kultur und Heimat! 

Steuerberatung geht ah uff Pälzisch!

Die Pälzer babbeln gern und des ah gern in ihrer eigenen Sprooch! Da ich net nur in de Palz im scheene Zellertal uffgewachse bin, sondern schunn mei Vorfahre seit rund 500 Johr do ansessisch un verwurzelt sinn, babbel isch des nadierlisch ah.

 

Mir komme alle vun irgendwo her, 

und des derfe mer ah all zeige! 

Buwerum, wo isch mit meiner Kanzlei ansässisch bin, liegt direkt nebe dem Zellertal - weit bin isch also net kumm! Ganz efach deswege, weils hier so schäh is! Des schene Zellertal, des direkt an de Grenz zu Roihhesse liegt, nennt mer net umsunscht des i-Tüpfelsche vunn de deutsche Woistrooß. Hier gebts nebe dem gude Woi abber ah en Haufe annere guude Sache. Hier leben un arbeiden Pälzer un annere Natione un jeder traahd sei Sach dezu bei. Un do kumm isch ins Spiel! Ich betreu die Leit un unnestütz se bei ihre steuerliche Angelegenheide. Do gebts nebe Winzer ah Gastronome, Metzger, Bäcker, Handwerker, Händler, Ärzte, Heilberufler, Selbstännige, Freiberufler un Ohgestellte, Beamte (Lehrer ah), Rentner, Photovoltaikanlagebetreiber, Vermieter und noch viele annere. Die ham nadierlisch en Haufe Frooge zu ihre Steuererklärunge, zu de Einkommensteuer, Umsatzsteuer, Gewerbesteuer, Erbschaft- un Schenkungsteuer, Existenzgründung, Gehaltsabrechnung, Buchhaltung, un un un...

 

Seit iwwer 10 Johr steh isch mit Rat und Tat allen, die des wollen, zur Seit! 

Dodebei bin isch e Steuerberaterin, die des alles ziemlisch ernscht nemmt. Isch versuch nämlisch, meine Kunde de meglische Ärjer mit de Behörde vum Hals zu halde. Des heeßt, ma muss offe un ehrlisch iwwer alles babbele, damit isch aus dem ganze Sachverhalt dann die rischtische Konsequenze ziehe un alles notwendische veranlasse kann. Mei langjährischieh Erfahrung hot gezeigt, dass des de enzisch rischtische Weg is. Un weil jeder was anneres schafft un uff was anneres spezialisiert is, is des ganze fer mich ah so interessant un abwechslungsreich. Viele denke immer, des mit dene Steuern wär langweilisch und faad.

 

Des is alles annere als langweilisch un faad! Net nur, dass jeder eh annerie Geschicht hot un mitbringt un sich jo ah ständisch weider entwickelt, es ännern sich ah ständisch die Gesetze, die Finanzgerichte bringen dauernd neie Urteile un die Finanzverwaltung denkt sich ah ständisch was anneres aus.

 

Des alles is also tatsächlisch ziemlisch spannend, knifflisch un anspruchsvoll.

 

Zusamme kenne mer des locker schaffe! Wenn Ihr des ah meent, kenne Ihr misch gern ahrufe - hier gehts zu meine Kontaktdate. 

Wo Reben sich ranken, mit innigem Trieb, so meine Gedanken, habt alles hier lieb.

(Clemens Brentano)